شريط دايس على عسلك

 

يا إلهي عيوني عليك عم برفع عم برفع
وانت سهرانة عينيك عسلامي وصوتي بتسمع
أنت وحدك معبودي وحياتي وسبب وجودي
إيدك كسرت كلّ قيودي ولجلالك أنا قلبي بيركع

عالعرش بقلبي مكانك   سود وتمّم سلطانك
يا مغرّق عمري بإحسانك   ومملّي فراغي بحنانك 

بقربك يا هنايي وسعدي   ويا هنا أولادي بعدي
مع ربّي أنا قاطع وعدي   يا تعاسة عن دربي ابتعدي 

مشبِّع نفسي وكافيها  ذنوبي بدمّك خافيها
ولو تفنى الدنيي وما فيها  روحي بوعدك أنت حاميها

 

شهوة قلبي وحدة يا بيّي  شهوة عابد بيخافك
      بدّي قلبك يفرح فيّي  وشوف البسمة على شفافك

1- فكر العالم عم يتغلغل فيّي

وعم يسرق منّي سلامي
جاب همومه وحَطّها كلّها عليّي
وسرق الفرحة من أحلامي
مـا بدّي العـالم يرفعن   كلّ كنوزه ما بتنفعني
حُبّك وحده ال  بيشجّ    وبيشبع قلبي لو شافك

2- خايف قلبي يكون عم يخدعني

ويعلّمني برّر ذاتي
وخايف فكري يكون عم يقنعني
إنّي أفضل من اخواتي
ما بدّي يكون رأيك فيّ     عكس ال عم شوفه بعينيّي
وتقول عم حبّك بشفافي      لكن قلبي عمره مـا خافك

 يا  ربّي... يا  نصيبي               شو  بحبّك  يا  حبيبي
يا  ساكن  جوّا  بقلبي                وبروحك  عم  تحييني
وحدك  بتخلّي  الغربة               تحلى وبتضوّي سنيني
شو بحبّك... شو بحبّك...           شو بحبّك يا يا  حبيبي 

1- اسمك  أحلى وأعلى وأسمى  من كلّ الأسامي
ما   بيغريني  العالم   مهما   يتزيّن   قدّامي
إنت النور اللي  بيهديني  وبيّي الما  بينساني
وإنت  الكلمة  البتعزّيني   وبتخفّف  أحزاني
وكلّ ما بتبعد عنّك روحي بتشعر إنّها غريبة 

2- دمّك  كان  الثمن  العالي  اللي دفعته  كرمالي
يرخص  كلّ الكون بعيني ووحدك تبقى الغالي
إنت  العين  اللي   بتحميني  وعليّي   سهرانة
وإنت اللمسة اللي  بتشفيني الإيد اللي بترعاني
لولا صليبك  كان عليّي  شيل  بنفسي صليبي.

مش مستحيل عليك تنزع من بين ضلوعي  قلبي الحجر
وتعطيني قلب جديد ما بيعرف غير يحبّك
وتشفي فكري المريض من داء الخطيّة  داء البشر

مش مستحيل عليك يللي خلاصي فيك   بلحظة اكتمل
مش مستحيل عليك إنّك كمان بلحظة    تكمّل فيّي العمل


بدّي تعلّمني حبّك     من قلبي كلّه    ومن فكري كلّه
ومن نفسي كلّها      ومن عزمي كلّه
بدّي تكمّلني فيك     حتى فكري يرضيك
وبعرف إنّه هيدا     مش مستحيل عليك

صعبة يا ربّي عليّي حبّ اللي بيعاديني
وبشعر إنّي ما فيّي أغفر للّي بيؤذيني
ياما بحاول سامح وأنسى جروح مبارح
كيف عم بقدر قول بحبّك وأنا مش قادر أقبل خيّي
 

ها صلاة التوبة في شفتي وصراخ من عمق الأحشاء
يتفجر يتقد لهيبا ينتشر في كل الأرجاء
يا الهي دعوتك أنجدني برئني واشفني من الداء
ابليس ربطني بقيود وجعلني عبد الأشياء
فلتكسر شوكته ربي من مثلك يمنحني فداء
ها صلاة التوبة في شفتيه
 

دايس على عسلك يا عالم     أنـا  بإلـهــي  شبعـان
مـرّة الميّة اللي بتعطيها            وعمرها ما تروي العطشان
مهما تحاول تغريني           أو من مجدك تعطيني
أنـا يسوعي مكفّيني          وقلبي بحبّـه مليـان

1- أنا نفسي أبيّة وفرحانة بابن  الإنسان
بدمّه اشتراني وخلاّني ملك وسلطان
لا فلوسك ولا           ولا ذهبك ولا
ولا حتى كنوز الدنية كمان
مش رح اقبلها          لو كانت على
عرشك رح بتملّكني زمان

2- مهما تتزيّن بعيوني بتبقى عريان
وإذا فكرك أركع قدّامك أنت غلطان
ولعلمك أنا            ما بسجد أنا
ولا ركبي بتركع مهما ان كان
أنا قلبي اغتنى  يوم اللي انحنى
قدّام اللي بيغني الأكوان

أنا بعيوني شفت وبشهد عن قسوة هالساعة
بلحظة وحدة اسودّ المشهد وارتعبوا الجماعة
اللي سخروا هربوا              وخافوا يللي ضربوا
وتطلّعت بعيني وشفت
نظرة عتب، لا...               نظرة عجب، لا...
نظرة حزن، لا...               نظرة غضب، لا...
نظرة أسى، لا...
مش قادر اوصف نظراته المليانة حنان... المليانة أمان
ومع إنّه عم يتألّم                 على ظلمه سكت وسلّم.
وبدل ما يحقد غفر              وسمعته عم يغفرلي وقال:
يا أبتاه اغفر لهم                 اغفر لهم لأنّهم
لا يعلمون ماذا يفعلون.

صرلي مدّة قائد ميّة            وجنودي قلبن قاسي
كتار انعدموا على إيديّي        وما انهزّلّن إحساسي
شفت الإجرام بعينيهن          شرّن كان الحكم عليهن
لكن هوّي لمّا شفته قدّامي مضروب
كلّ اللي فهمته وعرفته بريء ومصلوب
مذلول وعم ينهان   وهوّي مش غلطان
مثل النعجة كان      وبحبّه صفح وقال:
 

ها صلاتي يا أهلي وأحبابي     أن تجدوا  خلاصًا في الهي
فتعالوا إلى ذاك الفادي    من خلص نفسي وفداني 

 1.إليكم أعلن  أحبابي        أنا أحيا الآن في ضمان
فيا  أبي و أمي وإخواني     قد مات يسوع  وفداني 

2. أسامح سوء الكلمات         وأغفر كلَّ الاهانات
            
مثلما غُفِرَت زلاتي         وسامحني يسوع انا الخاطي

3. لا تبكي يا أمي من أجلي       أنا لم أنساك ولا أهلي
بل أتبع من ترك لأجلي        المجد ومات هنا بدلي

4. لم أنكر أصلي أوفصلي        و لست بخائنٍ يا بلدي
بل أسعى إلى وطنٍ أبدي        هو أبقى من كلِّ الأرض

 

لمّا عينه إجَت بعينيّي           ما بعرِف شو تغيّر فيّي
مع أنّه برصي نجاسة          وحرمني أهلي وناسي
ما تردّد إنّه يلمسني وشفاني وحنّ عليّي
طهّرني وحنّ عليّي 

عرفوني أبرص عزلوني      وعن أغلى حبابي فصلوني
وشو اشتاقوا إيديّي وعيوني               يشوفوا ناس تقرّب منّي
لكن كلّهن بعدوا عنّي

بلمسة إيده شفالي جروحي     وشفا معها نفسي وروحي
نسّاني آلامي وأحراني                     وعاملني برقّة وحنّيّة
وبيكفي إنّه تطلّع فيّي 

رح قضّي عمري وأيامي      أشهد للناس القدّامي
عن ربّي يسوع اللي شفاني    وعلاّ نفسي المحنيّة
وعلّمني عيش بحرّيّة

  Back to Lyrics